Lukas 20

Pitaken Indik Kuasan Hyang Yesus

Risedek dina anu, Hyang Yesus ngajahin anake akeh, saha midartayang ring kapining Sang Hyang Pengardi. Duk punika para pemimpin , para agama Yahudi, sareng para penglingsir Bangsa Yahudine rauh mrika. 2 Ipun mataken ring Hyang Yesus sapuniki, “Nganggen wewenang napike ragane nglaksanayang saluirin paindikane punika? Sirake sane ngicen ragane wewenang punika?” Ipun mataken sekadi punika mangda sida ngrereh kaiwangan Hyang Yesuse.

3 Hyang Yesus nyaurin ipun sapuniki, “Tiang taler jagi mataken kapining jerone makasami. Nikain ja Tiang: 4 saking sirake dane Yohanes polih wewenang mangda anak sane meled saking urip madosa? Napike saking Sang Hyang Pengardi utawi saking manusa?”

5 Irika raris ipun sami mabligbagan sekadi puniki, “Yening iraga ngorahang, ‘Saking Sang Hyang Pengardi,’ pastika Ia bakal matakon, ‘Nguda ragane nenten pracaya yening baos dane Yohanese punika yakti?’ 6 Nanging yening iraga ngorahang, ‘Uli manusa,’ makejang panjake bakal nimpugin iraga nganggon batu, krana panjake makejang pracaya dane Yohanes ento Sang Hyang Pengardi.” 7 Raris ipun sami nyaurin Hyang Yesus sapuniki, “Tiang sami nenten uning sira sane ngicen dane Yohanes kuasa mangda nglukat anak.”

8 Raris Hyang Yesus ngandika ring ipun sami sapuniki, “Yening kenten, Tiang taler nenten nikayang kapining jerone, nganggen kuasan sirake Tiang nglaksanayang makasami paindikane punika.”

Pengumpamian indik Penyakap Abian Anggur

9 Raris Hyang Yesus nyeritayang ring anake akeh pengumpamian sekadi puniki, “Wenten anak sane ngaryanin abian anggur ring pategalannyane. Abian anggure punika raris patanduanga ring para penyakape. Irika raris pamekel abian anggure punika, luas ka negeri sane lianan tur sue meneng irika.

10 “Sasampune rauh masan ngalap anggur, pamekele punika ngutus pengayahnyane ring para penyakape jagi nagih duman saking abian anggurnyane. Nanging para penyakape punika nyagurin pengayahe tur katundung budal matalang. 11 Raris pamekele punika ngutus malih pengayah lianan; nanging pengayahe punika, taler kajagurin lan kanistayang olih para penyakape tur katundung budal matalang. 12 Irika raris pamekele punika ngutus malih pengayahnyane sane kaping tiga. Nanging pengayahe punika pada katatunin olih para penyakape raris kaentungang ka sisin abian anggure.

13 “Nah irika raris pamekel abian anggure punika mapineh sapuniki, ‘Apa ane musti laksanayang tiang jani? Melahan yening tiang ngutus pianak tiange ane sayangin tiang. Pastika pianak tiange bakal kaajiang olih para penyakape!’

14 “Nanging ritatkala para penyakape punika nyingakin pianak pamekel abiane punika, ipun sami mabligbagan sapuniki, ‘Ne suba anak ane bakal ngwarisin abian anggure. Lan ja matiang ia apanga iraga ane ngwarisin abiane ene.’ 15 Irika raris para penyakape ngentungang anake punika ka sisin abian anggure tur kapademang.”

Raris Hyang Yesus ngandika sapuniki, “Sane mangkin nikayang Tiang, napi sane jagi kalaksanayang ring para penyakape tatkala pamekel abiane punika mawali. 16 Pastika ipun jagi rauh lan ngamademang para penyakape punika, tur nyerahang abian anggure kapining para penyakap sane lianan.”

Irika raris anake sane mirengin pengandikan Hyang Yesuse punika matur sapuniki, “Sampunang ja paindikane punika mamargi!”

17 Nanging Hyang Yesus nyingakin ipun sami saha ngandika sapuniki, “Yening kenten napike artin baos puniki? Sang Prabu sane Kajanjiang olih Sang Hyang Pengardi punika sekadi:

‘Batune sane kakutang olih tukang-tukange,

sampun dados batu dasar utama.’ Kidung 118:22.

18 “Sapa sira ja sane ulung ring duur batune punika, jagi nyag. Tur sapa sira ja sane katepen batune punika, jagi benyah latig.”

19 Irika raris para guru agama Yahudine lan para pemimpin rsine uning artin pengumpamiane punika ngambarang ipun sekadi penyakape sane jaat. Punika mawinan ipun sami meled gelis-gelis ngejuk Hyang Yesus. Nanging ipun jejeh kapining anake akeh.

Indik Naur Pajeg ring Kaisar

20 Punika mawinan para guru agama Yahudine lan para pemimpin rsine ngrereh galah sane becik. Ipun ngupah anak sane mapi-mapi patut mangda ngrereh kaiwangan Hyang Yesuse. Anake punika mataken sane keweh-keweh ring Hyang Yesus. Yening pasaur Hyang Yesuse nglawan pemrentah, Ida jagi kaserahang ring gubernur sane makuasa irika. 21 Irika raris anake sane sampun kaupah punika matur ring Hyang Yesus sapuniki, “Guru, titiang sami uning sekancan pengajahan lan pengandikan Gurune punika makasami patut. Samaliha Guru jujur ngajahin manut pikayunan tur Guru nenten ja mina-minayang anak. 22 Sane mangkin, tegarang ja Guru nikain titiang sami, patut napi ten yening titiang naur pajeg kapining Kaisar?”

23 Nanging Hyang Yesus uning daya corah ipune. Punika mawinan Hyang Yesus ngandika sekadi puniki, 24 “Tegarang ja edengang Tiang jinah perak aketeng. Gambar lan pesengan sirake iriki?”

Anake punika raris masaur sapuniki, “Gambar lan pesengan Kaisar!”

25 Hyang Yesus malih ngandika kapining ipun sami sapuniki, “Yening kenten, aturang ja ring Kaisar sekancan druen Kaisare lan aturang ja ring Sang Hyang Pengardi sekancan druen Idane!”

26 Pamuputne ipun sami nenten mresidayang manggihin kaiwangan Hyang Yesuse saking pengandikan Idane ring arepan anake akeh. Ipun sami angob krana pasaur Idane. Tur ipun sami mendep.

Pitaken Soroh Saduki indik Anake Padem sane Kauripang Malih

27 Kaceritayang mangkin, wenten aseka saking soroh Saduki rauh ring Hyang Yesus. Anak Saduki nenten pracaya indik anake padem kauripang malih. Ipun sami mataken kapining Hyang Yesus sapuniki, 28 “Guru, wenten katulis buat iraga ring Cakepan Suci olih dane sapuniki, ‘Yening wenten anak lanang padem tanpa madue oka, semetonnyane musti ngambil anake istri sane janda kadadosang rabine. Tatujone mangda prasida ngicen sentana ring anake sane sampun padem punika.’ 29 Umpamine, wenten anak masemeton sareng papitu. Sane paling kelih nganten nanging ipun padem tanpa madue oka. 30 Irika raris semetonnyane sane kaping kalih marabian sareng jandane punika, nanging ipun pada padem tanpa madue oka. 31 Nah sekadi punika mamargi ring semetonnyane sane kaping tiga kantos sane kaping pitu. 32 Pamuputne anake istri punika taler padem. 33 Yening makasami jagi kauripang malih ring dinane pamuput, sirake rabin anake istri punika? Duaning makapitu sampun marabian sareng anake istri punika.” Ipun sami mataken sekadi punika mangda sida ngrereh kaiwangan Hyang Yesuse.

34 Raris Hyang Yesus masaur sapuniki, “Anake ring jagate puniki pada nganten. 35 Nanging ring anake nenten ja pada nganten. Anake sane kanikayang pantes ngranjing ka swarga jagi kauripang malih olih Sang Hyang Pengardi. 36 Anake sane maurip ring swarga sekadi malekat nenten prasida padem. Anake irika dados putran Sang Hyang Pengardi krana sampun kauripang malih saking padem. 37 Samaliha idumun dane Musa nulis ring Cakepan Sucine indik anake sane padem jagi kauripang malih. Ritatkala dane nyingakin paindikan bet-bete sane madui sane ngwetuang geni nanging nenten ja puun, dane Musa nyambat Ida sapuniki: ‘Sang Hyang Pengardi, Sasembahan Tunggal , dane Isak, tur dane Yakub, inggih punika leluhur titiange’ Pararudan 3:6 38 Ida boya ja sasembahan anake sane padem, nanging anake sane maurip! Krana ring ajeng Idane sekancan anake sane kaciptayang Ida maurip salamin-laminne.”

39 Irika raris para guru agama Yahudine sane taler wenten irika mabaos sapuniki, “Pasaur Gurune becik pisan.” 40 Raris para anak Sadukine nenten bani mataken malih ring Hyang Yesus.

Ubungan Hyang Yesus sareng Raja Daud

41 Raris Hyang Yesus ngandika malih ring ipun sami sapuniki, “Kenapake anake ngamaosang indik sane Kajanjiang punika saking soroh sentanan raja Daud idumun? 42 Sujatine baos raja Daude punika, sampun katulis ring Cakepan Kidung sapuniki,

‘ masabda ring Sang Ratu Agung titiange sapuniki:

Malinggih ja ring tengawan Nirane,

43 kantos musuh-musuh Ceninge genahang ring cokor Ceninge!’ Kidung 110:1.

44 “Irika raja Daud nyambat Sang Prabune punika dados ‘Sang Ratu Agung idane.’ Punika maarti Sang Prabune punika nenten ja sebates soroh sentanan raja Daude nanging luihan tekening nika.”

Hyang Yesus Nuturin Sisian Idane mangda Waspada kapining para Guru Agama Yahudine

45 Duk punika anake akeh mirengin pengandikan Hyang Yesuse. Irika raris Ida ngandika kapining para sisian Idane sapuniki, 46 “Waspada ja tekening para guru agama Yahudine. Ia makejang demen majalan nganggon penganggo ane melah lan lantang tur demen kaajumang teken anake di peken. Keto masih di utawi di acara mapesta, ia demen negak paling arep. 47 Buina ia demen nyemak pagelahan anak janda, tur demen mabakti nganggon raos ane liu, apanga ngenah cara anak ane suci! Anake buka keto bakal nerima ukuman ane lebih baat.”

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”